بتدير شققك بنفسك
من خمس شقق لمية، ملكك أو مستأجرها. كل حاجة في مكان واحد، بدل ما تدوّر على المعلومة في الواتساب وفي شيت إكسل مفيش غيرك فاهمه.
كل شققك، وكل حجوزاتك، في شاشة واحدة
شوف الشهر كله قدامك: مين نازل فين، مين خارج امتى، ومين لسه عليه فلوس. وأي حجز بيتعارض مع حجز قايم، النظام بيرفضه لحظتها.
النظام ده معمول لمين
بتدير شقق ناس تانية
النظام بيحسب عمولتك، ويطلع لكل مالك كشف حسابه آخر الشهر، والمالك يدخل بنفسه يشوف شققه هو بس — من غير مكالمات ومراجعات كل شهر.
اللي هتلاقيه جوه
01
شهر كامل قدامك
كل شققك في جدول واحد: مين محجوز ومين فاضي، والحجز بتنقله من يوم ليوم أو من شقة لشقة بالسحب.
02
مستحيل تتأجر مرتين
لو حجز جديد بيتعارض مع حجز قايم، النظام بيرفضه في لحظتها — مش هتكتشف الغلطة والضيف واقف على الباب.
03
من الاستفسار للخروج
كل حجز وكل ضيف متسجّل بتاريخه، وفاتورة جاهزة للطباعة فيها الليالي والرسوم والمدفوع والباقي.
04
بالجنيه والدولار
سجّل اللي اتقبض كاش أو إنستاباي أو تحويل، واللي اتصرف، بأي عملة من الاتنين — وأرقام السنة اللي فاتت متتغيّرش بعدين.
05
كشف كل مالك
آخر الشهر يطلع لكل مالك كشف بإيراده ومصاريفه وعمولتك، ويقراه بنفسه أول ما تعتمده.
06
نضافة وصيانة
أول ما الضيف يخرج، مهمة تنضيف بتتفتح لوحدها، وأي عطل بتسجّله على الشقة وتتابعه لحد ما يتقفل.
07
Airbnb وBooking
التواريخ اللي اتباعت على Airbnb أو Booking بتتقفل عندك لوحدها، والعكس — بدل ما تقفل يدوي في كذا مكان.
08
أرقام تفهمها
نسبة الإشغال والإيراد والصافي لكل شقة لوحدها، وتصدير لإكسل، واستيراد شققك الحالية من شيت واحد.
معمول هنا، مش مترجم
الشاشات مكتوبة بالعربي من أول سطر، والإنجليزي بضغطة لو فريقك محتاجه. وخمس صلاحيات جاهزة تخلي كل واحد يشوف اللي يخصه: الاستقبال الحجوزات، والمحاسب الفلوس، والمالك شققه هو.
ابدأ بشقة واحدة
افتح حسابك، ضيف أول شقة، وسجّل أول حجز. ولو شققك متسجلة عندك في إكسل، ارفع الشيت وهي كلها تدخل مرة واحدة.
افتح حسابك دلوقتي